同學仔生日飯局~~"鴻記海鮮飯店"(柴灣)

(22-04-2020)星期日

行山同學仔話好想到柴灣"鴻記海鮮飯店"食飯、我問

有咩食物出色呀、佢話小菜同炸子雞。即係樣樣都好食。

咁趁有位同學就黎生日、一於去試下啦。

我地約早D食6點鐘怕太多人聚集、但去到飯店只得一檯人,

可能因疫情關係啦..........我地五個大人一個小朋友坐底.、

就開始點菜.........先來一碟"炸九肚魚拼鮮魷"炸得鬆脆巧食。

 "西蘭花炒斑腩"大大碟炒得夠鑊氣~~唔錯

 "炸子雞"要訂才有的、炸得脆皮光滑、好過D大酒家

 睇下幾有肉汁.......真係巧巧食呀

 粟米魚肚羹好大窩、我都飲左4碗......正

炸蒜蒸蝦好野味又好食、但蝦大隻D就好啦.......

 "瑤柱蛋白炒飯"炒得乾身好食、再撈埋炸蒜仲好食。

 呢間煮野都唔錯、所以叫多一碟"魚湯浸菜"~~魚湯好飲、菜鮮甜

 咁又叫多一碟"咕嚕肉"我至愛。芡汁酸度適中......正

食到呢碟我都飽飽地啦..........但仲有壽包未食!!!......巧飽呀

好想再去食呀........但今日"特首"宣佈~~

晚上聚餐人數不得多過4個人、維持14日........有排先可再去食啦

疫情請快快過啦唔該.........

 下午買左暖水壺、3點加熱水食完飯返屋企

10點、量下仲有幾熱先...都仲有70度喎。

下星期輪到我home office五日啦......悶死啦

(28-04-2020)星期六

今早又去覆診、每次都要指定磅重同量血壓。

嘩~~又同上次一樣Keep得幾好無改變..........

入房又被醫生罵左一陣.......快D減肥啦

我話知道..........下次一定有改變的..........我希望啦

 覆完診由筲箕灣海滂長廊行去Quarry Bay柏架山

 行到中途落毛毛雨

 行落山時見到有人用大樹葉遮雨、聰明喎

今日行左10公里.......算坐言起行.........減下肥

 今日開始檯與檯有1.5米距離所以冇乜位坐啦

一定要take out啦