疫情的日子2020

(29-03-2020)星期日

抗疫都要食野架、唯有好做足安全設施啦......

由屋企行落彩虹村飲早茶.........

今日茶室明顯少左D人、所以對面都冇人坐、咁就安全啦

可以叫番一盅兩件憬慢食啦..........

食飽飽又行返屋村街市買今晚野食

行到街市見到D蝦幾平、就買$40蚊同脆肉鯇黎打邊爐啦......

(30-03-2020)星期一

今日開始放疫情假........................

阿嫂琴日Send左抗炎湯水食譜過來、咁又試煲黎飲下

去到街市賣野阿姐話、可以用粟米同紅蘿蔔拼魚腥草一齊煲都得架

魚腥草係主角但唔可以煲太耐、最多煲15至20分鐘

煲完清清地但飲落又甜甜地好好飲、下次試煲阿嫂提議材料先

(31-03-2020).星期二

今日悶悶地由屋企行落新蒲崗買野.......當做運動

落到新蒲崗冇乜野喏買、咁返屋企煎雞扒、豬扒食啦..........

(01-04-2020)星期三

今日又行落去九龍灣睇下有咩野買先..........又做運動

經過彩虹茶室見到兩隻識講"Hello"既鸚鵡

去到九龍灣"宜家傢俬"餐廳、順便醫下肚先......呢款味道都可以既

今晚又煎下牛排同鯖魚食..........好食

阿嫂話想食西米.布甸、叫我整。咁今晚就整啦..........明天比妳

6個比阿嫂、5個比朋友、1個留比自已食..........yummy

(02-04-2020)星期四

今日約朋友在將軍澳比甜品她........

而阿哥同阿嫂話不如在將軍澳食午餐兼取甜品啦

 在疫情下午市好少人黎食飯......

 等員工清潔完檯面我地就入座、我叫"黑咖喱雞球飯定食"

日本飯肥嘟嘟配埋咖喱汁好好食.............

如果係日本我諗仲好食.........快D疫情過啦唔該

 食完飯在商場四圍行、沿途人都冇一個!!!

 我陪阿哥、阿嫂由將軍澳行去佢地調景嶺屋企、而我就繼續行上

將軍澳墳場、順便探下老豆同整下佢玻璃門啦

整完玻璃門又行返落油塘。行入商場巳見到有復活節裝飾..........

 可惜場面冷清清小朋友都冇一個

(03-04-2020)星期五

琴日幫老豆整好玻璃門、今日約哥哥、阿嫂去拜老豆

我就行上墳場、哥哥就搭的士上。

好快又有新隧道啦........由觀塘直入將軍澳.......快

 拜完老豆落去開餐時遇到小蟲蟲

 然後同哥哥去銅鑼灣取我買既新耳機

 去到Time Square見到好靚既"風鈴花"

 取完新耳機順便去"喜茶"歎下、現在唔使3分鐘就有啦
"芝芝芒芒"都幾好飲唔太甜

 我既新耳機D音質都唔錯、可以一邊跑步一邊聽歌

今晚又煎牛扒同豬扒歎下~~~YUMMY

(04-04-2020)星期六

朝日搭車落"深水埗"漢發食豬潤麵、可惜去到門口才知今天休息!!
咁咪行去"劉森記"食鵝腸、豬手、牛腩粗撈麵啦.........都好食架。

 食完麵又去行黃金商場、然後由深水埗行去太子搵下有冇假花、
因琴日見到老豆棵假花開始爛啦.......搵左成條街都是真完既

 行行見到隻貓睡覺巧得意又可愛唱喎

 終於被我搵到有假花賣既店啦

呢度太多花啦、最後選擇左我拿棵朵

 跟住又行去肥姐食大生腸、豬肝、魷魚~~~巧巧食
但現在加左價要$35蚊啦........

 現在少左人排隊、可能怕太多人會受感染。

 成個星期都行左5天、當做運動啦........