疫情下的(4月)2020

(09-04-2020)星期四

今日中午約左阿嫂同阿哥係將軍澳比口罩套佢地、

順便一齊食中午飯、因大家都要Home Office。

佢地食完飯要返屋企做野、我都一樣掛.......哈哈哈

阿嫂話介紹一間好食既日本餐廳比我。

餐牌都幾多野選擇。

叫左餐可以用$2蚊任叫壽司、$2蚊雞去邊度可以食到呀!

"魚鮮"都要$3畋雞(只可以堂食)

仲有$10蚊串燒呀.........叫叫叫......今日我請食中午

飲野加$3蚊.......咸檸檬七汽.......扺飲

雞軟骨同雞翼.........好野味

阿嫂叫既海鮮拉麵、多海鮮又大碗.........勁呀

$2蚊雞壽司幾正.........炸蠔都好食

呢個係阿嫂介紹比我試下、開頭點野果個女侍應生話夠我食架

未黎之前我唔相信、但到了才知咁大架..........巧誇張喎

蝦好鮮甜........好食

呢舊好食呀...........今餐$400佰蚊都唔使.......抵食

下次再來食過。

食完中午餐、我就由將軍澳行去調景嶺

(華人永遠墳場)幫老豆換膠花。

(13-04-2020)星期一

復活節冇出去行、今日忍唔住搭巴士去灣仔鵝頸橋
熟食市場食"咖哩牛腩飯"(人地話食咖哩會抗炎喎)

食完飯行去金紫荊廣場睇睇

今日天氣好熱呀

行前少少有好多公仔擺係度、有冇一個你識架呢??

慢慢睇下啦

呢個幾得意但我唔識

我只識老夫子一個

再由金紫荊廣場海傍慢慢行去中環

磚裡面藏左迷你傢俬

行到中環再繼續行、沿途有不同顏色既靚花

不知不覺又行到上環中山公園........
今日天氣真係好熱、連鬼妹仔都穿三點色係度曬太陽

又行到海味街隨街見到曬乾鮑.........比我食就正呀

行都累累地行去左正街"源記甜品專家"食糖水

叫番碗"蓮子合桃露"補下腦先.........好食

食完糖水又行番去中環碼頭搭船返去尖沙咀、

然後再搭巴士返屋企........今日行得巧累呀

(16-04-2020)星期四

今日又由屋企行落觀塘、順便食中午餐

行到碼頭見到"唔知乜名野既烏"

我由2月開始落觀塘碼頭熟食中心想試下"拿督星馬冰室"

(海南雞飯)但我每次去都話"疫情"關係無開......

今日又來睇下、終於有開啦..........餐牌有好多野選擇

我點左"海南雞飯".........湯好濃冇加味精、雞就ok、

油飯比其他餐廳既油飯好食同特別........好重"薑味"正呀

佢地開業時間(星期一至五)中午至下午3點。

下次要等我放假或home office先可以再來試其他野食啦

(17-04-2020)星期五

今日約左人飯局聚下、趁時間未夠鐘去太古城
行先........遠遠望到有三個"星戰"公仔擺係度。
行去望望先............

 行近左先發覺它們全用"LEGO"砌出來......好勁呀

夠鐘行去西灣河"翠湖海鮮酒家"~~有人已經到左仲叫埋頭盤添
早知剛才唔去食"豆腐花同牛肉包啦"......
"麻辣凍豬腳仔"~~~小小麻小小辣好野味......送啤酒一流...正呀

 我地一行八人、4個人一檯每檯仲要隔1,5米距離........因疫情下規則
有人羅左支紅酒來.......少飲酒既我都飲少少啦..
飲落巧純唔好飲......可以飲多左我有少少醉啦........

 齊人開飯啦........叫左個六人套餐再加左D野食.......拼盤來
我果檯每人先"夾"然後才比過隔離檯.....

 呢個都一樣每人一碗"羹"

 白灼蝦就每檯一碟、巧新鮮食落彈牙。

 嚕咕肉至愛又係每檯一碟........淡淡肉好食

 龍蝦伊麵又係先夾左先啦

 薑蔥焗蠔每檯一份

 巧大隻蠔呀........好味又正呀

龍躉兩食.........巧食

 每人一隻"蒜蓉蒸帆立貝"..........野味

 今餐食得巧飽又開心..........每人都係$300蚊抵食
呢間小菜唔錯、下次再來一試

(18-04-2020)星期六

有2個星期冇食過"豬潤丁麵"啦........
今日要等位.........真唔明帶位女侍應生、
明見有張檯只得三個人坐、都唔比一個人搭檯。
佢話下一張三個人入座、我就可以同檯坐??
乜野道理黎呀.......除非話唔準搭檯啦......
下下都要等三個人入座先可以搭一個人
咁做生意就死啦.........唔識轉頭腦!!!

食完麵搭巴士返屋企商場行下睇有什麼野買先......
見到超市西冷排減價、咁就買返去今晚煎黎食..........

 煎得岩岩好...........yummy