留家隔離~~(第15日至第21日) / (第16日至第28日)

星期五收到上司WhatsApp通知、我下星期8月3日繼續留家隔離!!

咁我就黎成個月唔使返工!!.............好悶呀。

(26-07-2020)星期日~~(第15日)

一日復一日、唔點過好.....點過都要食野架...係床碌都11點起身落街買麥記

好耐冇食麥雞同魚柳包啦............好食好食.......珍惜有得食的每刻

煮來煮去都係果D菜、但我都鐘意食..........

(27-07-2020)星期一~~(第16日)

係床又碌都12點.........整得簡單D.....煎水餃食又一餐

琴日買左鯇魚切開兩件、今晚食埋另一半鯇魚............

(28-07-2020)星期二~~(第17日)

今日要落去鑽石山商場交電話費、見到有火車頸公仔小朋友一定好喜歡。

可惜現在疫情中好難有小朋友出來睇啦..........

今日想食Pizza、咁岩商場有Pizza Hut.......特價148蚊有一個Pizza同葡雞意粉

員工話可以轉芝心批........轉呀.............好食

下午食左一半Pizza同葡雞意粉好飽呀.......晚餐食埋另一半就夠Lu.....

(29-07-2020)星期三~~(第18日)

今朝落街市補貨、見到街市入口放左幾座霧氣消毒機。

唔知呢套影片妳睇唔睇都呢............"東望西望"都有播過..

check完體溫、再去噴霧機轉下身、之後有員工派面罩比你、

咁先可以入街市買野............超安全

買完野、返屋企食個簡單麵包餐

日曰都咁鬼死熱、煲番個冬瓜雞腳湯解下熬先..............

(30-07-2020)星期四~~(第19日)

今日早起身、食番塊麵包加吞拿配芝士...........

水仙花牌出名"五香肉丁"、但佢地最近新出"麻辣肉丁".........又買來試下

午餐煮個烏冬加雲吞再加麻辣肉丁同冬瓜湯....麻辣肉丁撈烏冬好食、麻麻辣辣

晚餐炒個蛋加蝦、再炒多個薑炒白菜、蒸個鯇魚添.........冬瓜湯又一餐

(31-07-2020)星期五~~(第20日)

今日早餐、午餐一齊食................

都係減得10磅無變

加埋全面鬍鬚、朋友覺得我瘦左..........哈哈哈

現在世事難料、今日見到可能明天已不在...........

今晚食豐富少少啦........天有不測之風雲、天文台話今晚仲會掛三號風球添

(01-08-2020)星期六~~(第21日)

留家隔離左21日、今日終於可以衝出慈雲山啦........係要去香港果邊覆診。

覆完診再上東區醫院問下野、然後順便食番多款小食車仔麵補下先..........

我今次叫左"翼尖"、大腸、柚皮、冬菇、豬皮、咖喱魷魚粗麵.....

六款野都係42蚊、抵食..........再同阿嫂買六款粗車仔麵

買完麵再搭地鐵搵阿嫂比車仔麵佢........阿嫂又比左少少生果我

好耐冇出街咁就行多一陣、搭地鐵去九龍灣新開MUJI行下........

去到MUJI都唔算多人、但我行左一圈睇下、經過買麵包店、順便買

半件菠菜芝士法包$18、走之前又經過Starbucks睇到週末特價"忙果綠茶"$20

咁就當下午茶啦.............

琴晚食淨既、今晚繼續食埋佢.........

(02-08-2020)星期日~~(第22日)

今日冇乜特別事發生............

下星期又再要留家隔離、咁今晚煲定羅宋湯可以飲幾日啦..........

剃晒鬍鬚剪左靚髮諗住可以返工、但事與願違又再留家隔離...........

(03-08-2020)星期一~~(第23日)

今早6點幾起身突然(頭天旋地轉)、然後猛標冷汗都唔知發生咩事??

我要坐定定到10點鐘、冷汗先停止、全身濕晒..........我以為死硬啦

我估係昨晚風扇停住吹正我個頭、所以涼親........

今日又係飲羅宋湯當一餐..........

(04-08-2020)星期二~~(第24日)

世事真是難料、好似貝魯特大爆炸、成個城市變廢墟。

珍惜現在每一秒。

今日冇出街買野、所以午餐都係(螺絲粉撈羅宋湯)、

而晚餐(螺絲粉撈羅宋湯十蒸鯇魚)食都悶又一餐

(05-08-2020)星期三~~(第25日)

今日出街去左新蒲崗食午餐(雲吞麵)、跟住行左一個圈然後回家。

晚餐又係(螺絲粉撈羅宋湯)............

(06-08-2020)星期四~(第26日)

今日又出街去左九龍灣買野、然後又去黃埔買蝦子麵。

跟住又搭車去新蒲崗食牛雜牛丸麵、之後再去"一田"超市"睇下。

冇乜野買搭車返屋村街市睇下有乜買野、買左蝦同花甲今晚慢慢歎。

食埋今晚(螺絲粉撈羅宋湯)已經食晒啦

(07-08-2020)星期五~(第27日)

今朝早又收到上司WhatsApp通知、我下星期繼續留家隔離!!

咁我有27日唔使返工、好快一個月啦!!.............好悶呀。

中午煮個蝦子麵、灣仔碼頭雲吞食下先............好熱呀

下午睇左兩套舊戲(犯罪現場)、(醉拳2)

今晚煲左(紅蘿蔔、西芹、雞)又一餐

(08-08-2020)星期六~(第28日)

今朝係床碌到10點先起身、然後落街買少少野...........好耐冇係街市熟檔買

炒米粉同粥仲有煎讓三寶、咁就當早、午餐啦..........

今晚又係食昨晚食唔晒既(紅蘿蔔、西芹、雞)湯、仲有中午食淨少少炒米粉

希望可以快D返到工啦...........