留家隔離~~(第29日至第35日)

(09-08-2020)星期日>>>(第29日)

今朝10點起身諗住煮早餐、但坐係床邊發呆左一陣唔知想做乜野>>>>

抬頭望望冷氣機心諗好似有一段時間洗隔塵網啦>>>真係好多塵呀.......

洗完隔塵網同冷氣機D塵、又望下地板又好似地好耐冇清潔過啦、

咁又拖埋黐黐位位地板、兩樣做晒都用左個半鐘完成。

做完家務都12點啦、好累冇力煮做早餐、落街買麥記便算..........

麥炸雞套餐有芝士醬咁買黎試下、眼闊肚窄有買多一件菠蘿批同魚柳包。

可惜我真係食唔落一件菠蘿批同魚柳包添、咁留番三點三食啦>>>

食完飽飽、又冇乜野好做又搵下周公傾下計>>>>>>>哈哈哈

訓醒都差不多5點鐘啦..........又煮蝦子麵配東東雲吞、簡單又一餐

(10-08-2020)星期一>>>(第30日)

每朝起身望下出面天氣唔錯好想去遠少少行下但又怕感染😟

                                中午整雲耳蒸雞同蒸蝦仁水蛋....................                               

食完飯休息下、然後落街行下>>>

鳥仔都識隔住黎企呀😄

行左一陣去百佳超市買左個黑美人西瓜解下暑、呢個無我之前買咁甜......

下午6點食晚餐早食早消化、因冇做運動好容易再增磅

(11-08-2020)星期二>>>(第31日)

日日自已煮都有D壓啦、咁搭車去新浦崗食中午飯、去左出名"米朱蓮"一星

"英記"食麵叫左套餐有(牛腩粗麵)、芥蘭菜我鐘意、可樂。仲有醃蘿白食。

套餐都係46蚊在疫情下算抵食...........

食完麵去商場"一田"行下............

唔知典解今晚唔想食咁多野、就煮一個蝦子麵食便算啦.............

(12-08-2020)星期三>>>(第32日)

今日起身都係冇乜特別野、中午煎豬扒配水餃、蝦子麵...........

每日都係冇目的咁過、好好悶呀😥食完麵又落街行下..........

係本灣水產超市買左兩盒"即包韭菜餃"

今晚又煎豬扒配韭菜餃加司華大力腸同冬蔭公米粉............

(13-08-2020)星期四>>>(第33日)

今日又搭車去新浦崗"英記"食麵...........我想試晒佢地唔同款式既麵、

睇下典解可以羅到"米豬蓮"一星

今朝開信箱又有區議員派2個口罩

今日政府又宣布延長在家工作................唔通我又要留家多7日?😔😔

前排又係759店買左2個Pizza、今晚焗一個黎試下食先..........

煮個罐頭雞蓉湯配Pizza、呢款係薄批。食落味道都唔錯喎...好食又唔貴

(14-08-2020)星期五>>>(第34日)

\今朝煮個蝦子麵配大大粒韭菜餃、咁又一餐

 琴日政府又宣布延長在家工作、公司又未通知我...........好好悶呀

今晚要食埋醃左幾日豬扒、同昨晚飲淨雞湯仲有熱狗添..........

休息一陣、食飯後甜品雪糕............yummy

(15-08-2020)星期六>>>(第35日)

今朝係床碌都10點起身、但又唔想煮早餐又未到食中午、咁寫下Blog先......

寫到12點有D肚餓啦落街買野食...........

入到街市睇下有咩買今晚食、又見到花甲買、又睇基圍蝦58蚊斤買、再一斤生菜

買完野、再行去買炒米粉同粥再加煎讓三寶醫肚...........

今晚D蝦同花甲都幾多、應該都食唔晒留番明日煮麵吃啦.......

直到現在公司都未通知我下星期使唔使返工???