疫情下放大假的日子(2020)

(27-04-2020)星期一

星期六、日係屋企訓左兩日冇出街悶死啦

今日星期一我開放三日大假、一定出吸下新鮮空氣。

所以約左中學師弟係觀塘碼頭熟食中心食飯。

今次又係去"拿督星馬冰室"

我講過要試下其它美食...............

趁仲有時間去APM 行下。

今次叫左海鮮叻沙試下、大大碗睇落好似好好食咁喎.....

試啖湯先.....味道都唔錯......叫左(摻摻)即係兩款(油麵同米粉)

今次試飲馬拉鮮桔仔冰.......飲落酸酸地幾開胃。

再試埋小食~左手邊(檳城五香肉卷)食落冇乜特別.......

右手邊(炸魚多士)食落好多魚肉好食.....

食完今次又要等我放假先可以黎試其它美食

搭船過北角去行山、經過"遊輪碼頭"見到架"飛機放左係度?

北角"一田"有杯麵專門店、可以同你解決肚餓問題啦

今日行左好長既路、要食野補番下........

行去鵝頸橋街市食咖喱牛腩飯.......食完搭車回家

 (28-04-2020)星期二

今日訓醒好想食豬潤麵.......因兩個禮拜冇食啦......閒日唔使等位

食完麵返屋企洗窗簾之後又去行山.......

樓下影下鳥仔

今日天氣都唔錯、所以連馬騮一家大細都出黎行下

著住拖鞋行好適服........

今日又行左9公里啦

晚餐食簡單D.......熱狗加薯蓉同流心蛋.......yummy

宵夜~~橙汁百香果特飲加薯片........正呀

(29-04-2020)星期三

今日天氣都唔錯........約左跑友行山兼去食深井燒鵝.......興奮

原本我地係去"河背水塘"行既、但等巴士太耐而改變行程。

現在由荃灣碼頭海濱走廊一直行去"深井"

見到"嘉頓"麵包大廈仲有1公里就到"裕記"啦

上次三月行完山過黎、佢地又話裝修緊........

所以今次再來食..........

上次食果度唔好食..........都係呢度好食好多、又夠熱肉又淋.....正

下面麻辣炒生菜、好野味好好食.........

今餐有糖水送喎、平時係冇架......可能疫情下才有、因冇乜生意。

又行左7公里啦

食飽飽返屋企休息下、今晚中學師妹邀請我到她家打邊爐。

我順便買甜品打完邊爐食先.........

(30-04-2020)星期五(彿誕)

今日天氣好熱、又約左中學師弟、妹行"黃昏山"

我地約左下午4鐘係西灣河14號巴士等、我約左另一個

師弟、妹係筲箕灣東大街"王林記"食番個下午茶先

豬手撈麵加支'麥精".......正呀

我地搭車到大潭水塘公廁落車。然後行去"大風拗"落Quarry Bay

我地行都天開始天黑要用電筒落山。

之後我地去左"西灣河翠湖海鮮飯店"食飯..係上次我和同事食果間

我地一行16人、現在要4人一檯......分開4檯食.....冇咁熱鬧

麻辣豬手.........巧食呀

炸墨魚餅......彈力好食

炸豆腐係隔離檯囉過黎叫我地夾舊試下......麻麻哋太厚粉

今日行山有D累、因連續4日行山啦.........

今日又行左差不多10公里

我諗明天要好好休息下先....

突然有位師弟細細講明天BBQ去唔去呀?

緊係去啦.......BBQ我最鐘意"燒雞翼我鐘意食"

(01-05-2020)星期五(勞動節)

今日天氣真係好熱、好彩係下午4點後才BBQ........
今次係師妹天台BBQ...因天台不大唔可以叫咁多人一齊燒
所以神祕進行、多謝師妹邀請........

好多野食呀.......有我鐘意既鱔......燒鱔好好食架

師妹整沙律唔錯

肚餓啦

好彩師妹天台設備齊全、唔係天黑點燒。

有大光燈照住黎燒好似白天咁.....

燒海鮮正呀........咁豐富BBQ....多謝師妹

實充假期又快完、下星期一又回復正常啦...