成記牛什粉麵(新蒲崗) / 半島洒店 / 金牌火鍋(佐敦) / 燒烤大王(大埔汀角路)

(01-03-14)星期六~~~今日冇乜特別節目、只係去咗教班。

近排部電腦short short地、一時得一時唔得真係比佢玩死啦。

我趁佢又再復活番、快快手post我食過d乜先。

上個(21-02-14)星期五~~~朋友帶我去咗(新蒲崗)食味潮州牛腩

 呢度d牛腩又淋又好食、佢哋d湯又好飲又冇添加味精~~正呀

價錢又平$24蚊一碗、而佢自家制炸魚皮又脆又好食~~~

 不過想嚟呢間食就要專程嚟啦、因為舊機場附近冇乜嘢行呀。

仲有(成記牛什粉麵)個名、係鰂魚涌都有名架~~~佢冇分店呀

新蒲崗錦榮街4A舖~~~電話: 2322 4947   營業時間   10am~~12:30am

(26-02-14)星期三~~~星期一24號已經有HR經理請食西餐、今日又有同事

因升職請食靚靚西餅、同事訂咗"半島洒店"西餅

 睇下幾靚

 先比女仕攞先、最後我選擇呢個"忙果西餅"~~~

食落好有芒果味、但我感覺甜咗少少、可能我年齡大啦、食唔得甜品??

 食完西餅、又夠鐘收工。放工搭車過佐敦會中學同學打邊爐。

今次搞手約咗8個中學同學、而7個是同班、只得我係其他班

其實小學同中學約會都係其他班多、自已班係無喎、唔知點解???

呢度d醬同配料唔使加錢呀~~~

 未人齊但肚餓、先叫小小嘢食下先~~魚片頭、好食可能肚餓乜都好食

 我哋叫定d嘢食等其他人嚟、今次見番20年冇見嘅同學、真係

有如昨天一樣、整晚由8點笑聲不斷至11點。

開心時光過得特別快、又要等下一約會啦

呢間d嘢食都唔錯呀、可以再嚟、原來澳門都有分店喎。

(27-02-14)星期四~~~請咗全日假、上午同呀媽去睇病、

下午約咗跑友(爸爸橋)~~~哈哈哈

原本約咗去呢間"嘉年華"燒烤、但佢開下午2點。因我哋

有d人要7點到尖沙咀上堂、所以選擇隔籬果間"燒烤大王"

"燒烤大王"開上午10點至零晨2點~~~~平日嚟成人$80蚊位、包1罐汽水

仲有麵包一包、而我哋8個人 、先嚟一盤燒烤食物。

 果日講有22度、但係燒烤場又涼又有風、可能近海邊啦。

所以我哋由下午12點燒到下午5點半、食咗三轉嘢食~~~hehehe

 我哋上完堂、搭船返灣仔食嘢。我唔知點解好肚餓、可能專心聽書啦

香港夜景真係幾靚~~~

下星期二又有飯局、因為我哋部門有兩個人生日。