嚐館(灣仔)

(08-03-14)星期六~~~

果日係婦女節又係跑友結婚24週年又係另一跑友提前慶祝生日會

曾係水蛇咁長嘅慶祝飯局

教完班、就同部份跑友行去嚐館、因為在運動場附近。

我哋去到己經有部份人到咗、仲排晒d美酒~~~

可惜我唔飲烈酒、只可以飲少少紅酒咁多啦~~~~

 等整18人、分兩枱。因為呢度地方唔大。先嚟冷盤鮑魚片、鮮甜巧食

 冷墨魚汁麵普通嘢喎~~~但老闆話小心d食、食落才知"領嘢"

原來撈咗"芥辣醬"、食落超"攻鼻"~~~

 炸魚片頭唔錯

 椒鹽雞軟骨~~嘢味巧食、送酒一流

 鳳尾蝦多士同鵝肝多士、我張枱有d人唔敢食鵝肝多士。

咁我幫你食啦~~~~哈哈哈、仲餘一舊、攞比隔籬枱啦

 等咗一陣、又有嘢嚟。蒜蓉椒絲蒸生蠔、我食果隻有少少沙、

但都巧味好食、又有人唔食、我又幫你食啦~~

 黑白胡椒鐵板南非鮑魚~~~鮑魚整得淋好食

 黑白胡椒炒肉蟹~~~嘩、好嘢味、非常巧食

 真係一碟精彩一碟、跟住就係"古法炆龍躉翅腩"

我未食過咁整嘅龍躉、真係巧食、而龍躉皮又滑又好食~~正

食咗仲會皮膚滑滑架~~~~~~~哈哈哈

 一碟接一碟、不過我開始有d飽啦~~~但係呢隻雞、老闆話一定要試

因為隻雞起晒骨、然後釀入糯米飯。咁真係要試、真係好食。

可惜我真係飽飽哋啦~~~~~~~~~~~

 以為冇餸嚟啦~~~有整碟好似畫嘅菜、點呀想我攞命呀

我肥死啦~~不過食咗先講~~圓圓的、原來係蘿蔔。

好淋又入味、巧味好食。

 我諗冇啦呱~~~但又整多碟煎麵餅、但唔記得叫乜名。

食果時落d糖同醋一齊食、食餘一半我打包返屋企慢食。

 講明有人生日、緊係要有壽包啦~~好飽但都食番個啦

 諗住食完壽包、應該冇啦、點知老闆又攞碟甜品"反炒胡頭"

我應該寫錯字、一時諗唔起~~~老啦~~嗚嗚嗚

算啦~~~飽都食埋佢、幾好食喎、最後食咗四件~~巧飽呀

 今餐每人$535、我覺得ok~~~因我食得飽又滿足~~~hehehe