又再食、成記牛什粉麵(新蒲崗) / 祥興記上海生煎包/ 雲南小鍋米線(荃灣)

(03-03-14)星期一~~~~公司安排咗我今日下午去荃灣上堂‧

所以一早出車、做完嘢唔使返公司。直接去~~~~

 未上堂前點都要食d嘢、朋友又車咗我去(新蒲崗)

咁今次一定要試食出名牛丸、誰知入到麵店已經看到伙計手打牛丸。

妳話點唔食牛丸呢~~~~~~~

 睇落普通、食落爽口彈牙、非一般牛丸~~~巧巧食呀

 食完嘢、搭地鐵入(荃灣)。

 到咗(荃灣)行去上堂方向、經過見到一位老人

在街頭用(沙)寫字、佢寫得好整齊又靚、可惜冇d路人

理會佢照行照過、仲差d踏落去。今日天氣唔好又有風

唔知我上完堂佢仲會唔會係度呢???

我嚟早咗仲有45分鐘先上堂、咁呀~~~點好呢!!!

就係呢一殺那，我記得(荃灣)有間好食嘅生煎包店。

之前都好想嚟食、但又唔啱時間、現在啱晒啦~~~一於去揾揾

終於被我在川龍街揾到啦、睇下D生煎包脹卜卜幾正。

 呢間店好細、所以坐位不多、經常要排隊。今日唔使排有位。

Order嘢食物後比錢($28四個)、等咗一陣、即有包食啦。

嘩~~~咬落去d湯巧熱呀..........好多湯汁、巧味又巧食~~~~正

 食完巧食生煎包又夠鐘上堂啦~~~時間過得真快、咁又上完(3個鐘)堂

現在有少少餓添、橫樹時間尚早5點鐘。咁遠嚟度、點都要揾下邊度有美食

終於揾到呢間雲南小鍋米線、係我最鐘意食嘅酸辣米線。

嘩~~~好大碗喎........酸酸辣辣巧巧味、啱我食。

 酸辣小鍋米線+兩餸都係$32~~~豆漿仲係送嘅~~抵食

今日食咗咁多美食、今晚踏咗48分鐘健身單車補番數啦

做完運動返屋企~~~~又食咗昨晚d飯餸同湯........做完運動等於零

明日星期二中午又有生日飯局、食過不停~~~~哈哈哈~