東涌行入大澳兼吃美食~~~Part 1

(17-03-14)星期日~~~朝早6點幾搭地鐵入東涌同跑友前飲茶

然後一行七人由東涌行入大澳兼食嘢。

 行咗一陣、見到一大堆柴、好耐冇見過啦

 今日行山遇見我跑步學生同跑友、世界真細小。

 轉間眼、行咗10公里。又咁啱有間士多係度、順便休息下。

我叫番杯"咸檸七"先~~~巧飲

 其實我係遲咗d到、早到跑友己經叫咗碟"菜"食住等

齊晒人再叫多碟"蠔仔煎蛋"~~~味道都ok

 跑友話呢度d綠豆糖水唔錯~~~咁我又叫碗嚟試下......真係唔錯喎

 休息完又再行~~~~我哋趕住下午1點到訂咗"八寶鴨"嘅海韻素食館

 行到上山、望落嚟見到"珠澳大橋"石柱、我諗好快就可以搭車過澳門啦

 再行多一陣、到咗大澳啦

 我哋行去巴士站、仲要行多一公里先到~~~~唔係掛

 終於到啦~~~早到跑友話未有位、叫我入睇下有冇位

我見到有位、再問下伙記~~~佢話ok

 我哋八人坐定定、即叫餸~~~等咗一陣、預訂"八寶鴨"先到

睇下筷子好快出現啦~~~手快有手慢就冇

"八寶鴨"最要就係鴨肚裡面嘅咸蛋、花生同栗子~~真係巧味巧食

 好快就清晒、淨得d骨

 椒鹽豆腐~~食落冇椒鹽味、只食都豆腐有咸味、

不過d豆腐都幾滑。

食物大致上ok~~~今日食咗三餐、都係每人$220抵食