大自然素食(銅鑼灣)

(21-08-15)星期五

今日約咗同事食晚飯、同事都知我要戒食某d食物、

所以選去素食~~~第一道美食係~~法式牛油果焗多士~正

不過我應該唔可以食、但食一次咁多啦、每人一件啱啱好~~~hehehe

潮式黃金糖醋麵~~~冇正宗潮式店咁好食、但都可以

芋頭魚~~~炸得靚、味道一般

琵琶豆腐~~~味道唔錯、又係炸。我好無食炸啦

金瓜焗飯~~~呢個好味又好食

酥皮金湯蟹皇翅~~~緊係無翅同蟹、但都有素翅啦、d湯就淡咗

但都ok

豉油皇雜菌炒麵~~~炒得好食但油多咗d

沙拉骨~~~味道可以

食都差不多叫咗支黑麥汁、飲落有麥味好飲喎~~我感覺

(22-08-15)星期六

終於今日睇報告啦~~~每次睇醫生都係要等成粒鐘先有得睇......

等到我啦今次見係女醫生、諗住問佢報告點呀

女醫生先講~~你肝酵素指數有少少上升喎、咁我問上次

男醫生話我膽固醇超標呀、現在有冇下降~~~

女醫生無答我、又問我有冇飲酒、我講冇。

我又問佢即係點呀、女醫生又話可能有糖尿唔定、所以又

要約時間再抽血驗清楚、咁即係點呀、兩個醫生都唔同~~~巧煩喎

事情嚟到咁都冇辨法、只好又再抽血啦~~~~

話之佢啦去食碗豆腐花先~~~嘩、呢間由細食都大、現在要$9.5

食完豆腐花返舊居攞番個袋去九龍灣club做運動。

做完運動又去宜家傢俬食嘢、今次無咁多人排隊、咁買肉丸加意粉

醫下肚先、跟住去行下宜家傢俬買嘢、又行都差不多又去超市

睇下又咩嘢食買、見到有三文魚飯加泠麵咁就買嚟即刻食、

咁今晚就唔使煮。

食完去搭巴士返屋企、等巴士時天氣超熱~~~真係熱都想死

落咗巴士即去貢茶買番杯金銡檸檬飲下、雖然戒緊甜但太熱太口喝

所以飲一次咁多啦~~~嚟緊嘅日子又要努力做運動同戒口