大中華飯店(長沙灣)

24-9-13(星期一)~~~中學同學約咗食飯聚一聚,因為有位同學仔

由台灣返咗嚟.而搞手就約係長沙灣(大中華飯店).呢度好似好易揾,

其實都幾難揾,因為佢哋有10間咁多,我食果間係第1店.所以訂咗位

都要揾係邊間食呀

睇見張餐牌有好多種唔同嘅啤酒喎.........但係店裡面無得買.
如果要飲,自已係隔離士多買啦...........

我哋訂咗炭燒奶豬同土匪雞.........其它嘢食到咗場再點.

約咗8點,但我同另3位同學早到,所以點定餸先............

呢度無伙計同你寫菜架......要自已寫喎.

我哋坐下坐下有d肚餓,所以叫d小食醫下肚先~~~~沙薑雞腳ok

炸韮菜餃就一般

 等下等下人齊啦可起菜,先嚟白果豬肚湯~~~飲落有少少辣都幾好飲

 飲完湯,土匪雞嚟啦~~~~但唔明點解叫佢土匪雞,我覺得叫
佢做企雞就差唔多........不過隻雞好食就得啦,話知佢叫乜名



同學仔分完雞,我先攞件卜卜脆雞皮食下先,食落又脆又好食,而雞肉又夠入味好食.

清蒸大花甲~~~~淡淡肉好鮮味,正

主角炭燒奶豬出場啦~~~燒豬皮卜卜脆巧巧食,不過,隻豬肥咗d
所以食咗兩舊都流流地............

 豉油皇煎蠔~~~~大大隻,食落味道唔錯

黑椒豬手每枱必叫嚟食,而佢哋又整得豬手夠淋又好味好食.

(黃金魷魚,炸鱔)呢兩個名係我亂寫,因為唔係我點.兩款都好食.
不過,黃金魷魚冇乜人敢食,怕膽固醇超標,我就話知佢啦,
食咗先講,我食咗半碟...........

臘味煲仔飯~~~大大煲,佢哋整得巧巧食,又有飯焦正呀

















我哋一邊食一邊講,今次食得好開心,笑中有淚呀......哈哈哈
大家都珍惜相聚的日子............下次又唔知幾時一聚啦.
呢度自設燒爐...............所以燒得咁好食.