情人節澳門食~~(第二天part~2)

2011年3月3日

琴日食咗好食嘅嘢同麻麻哋嘅嘢,今日又再去揾嘢食.我未揾嘢食之前,過咗拱北按脚.因為行咗咁多路,脚都累.唔按脚無力再去揾嘢食.按完脚番嚟,我就去咗"楊六牛什粥"食嘢.

楊六開檔好鬼準時,因為我早咗20分鐘到,老細話佢未準好.要我等下先.咁我就乘乘地坐係間屋仔裡面等.記住佢開2:00pm~6:00pm.

間屋仔牆上貼晒老細嘅雜誌訪問圖片.

睇睇下,原來佢哋都加咗價.

睇下d牛什幾多,想食牛邊款內藏都有.例如:牛鞭..................人客開定紅酒等食.

等咗咁耐老細出場啦,第一時間剪牛雜比我食.

20蚊牛雜,有牛鞭,牛肚等等.............咬落牛鞭軟軟地都好食無尿味,唔錯.其它部位一樣好食,d湯都好好飲.如果今晚我唔係去食自助餐,一定會食多碗牛什粥先走.

食完牛什,四周圍行....................由話咁快,夠鐘食自助餐.

新葡京自助山已經食過好多次啦.今次嚟想睇下有咩新款嘢食推出.

睇完晒都無乜新嘢,都係食番我喜愛"生豪",雖然生豪無以前咁肥美,但係都唔錯.

我食到呢度,係時間食埋雪糕同甜品啦.............雖然唔係樣樣都ok,但係食物款式多,總有一款你喜歡.食飽飽返香港