又食世紀酒店(灣仔)

2013年6月20日

今日去食世紀酒店(灣仔)自助餐~~~~今個月己經第二個啦,其實仲有一個自助餐等緊我食呀
就係下星期三去"香格里拉酒店",果日係約咗"小學同學"生日聚會.............
今次嚟食,因為張咭7月就到期啦...........而且上次食過都ok,同埋買一送一,咁抵食.所以咪再來食.
生蠔一樣咁細隻,但都ok好食~~~~~今次長腳蟹就麻麻哋啦,d冰都未解凍,蟹肉又"梅"又唔好食.



呢碟只得三文魚ok,其它就麻麻哋~~~~~~~~~

再來七隻生蠔~~~~~~~~~唔知道今曰我可以食幾多隻呢?

密密又七隻生蠔................到現在為止已經食咗20隻啦.............能否再食下去呢???

轉下食其它嘢先~~~~~~~~~呢碟什錦,味道算ok

平時我好少在自助餐食白飯~~~~~但今次例外.因為佢哋整 d 咖哩啱我食.

休息咗一陣,行去攞其它嘢食果陣,見到d生蠔幾肥美,所以咪再食多七隻生蠔囉~~~~~~~~~~~~
我諗已經破咗自已記錄啦..................

生蠔又食完~~~~~~~~~係時候食雪糕,先嚟食二款唔同味道先..............好食,yummy

再食多二球

食完雪糕又再行下,又見到廚師放咗d新生蠔..........我又忍唔到,攞多七隻生蠔及兩隻熟蠔.
今次總共食咗33隻生蠔啦

好飽啦~~~~~~~~~~要食番生果消化下.

消化一陣,再食班戟+五款雪糕~~~~~~~~~~好滿足

又來碗南瓜湯,食落味道唔錯,好飲

飲完湯,又再休息一陣~~~~~~~~~其實我幾鐘意食班戟,所以又再食過



我真係好飽啦~~~~~~~~~所以坐底,傾下計,吹下水...............我感覺想食嘢,但又好飽,所以咪攞d
軟糖醫下牙痕................

如果申請咗呢張咭,就可以享受都有相關嘅酒店自助餐優惠,還有仲可以住澳門酒店兩日.