情人節澳門食~~(第一天part~1)

2011年3月3日

一條友又過澳門食食食,今次去氹仔麗景灣酒店嘅中菜廳,即係昔日嘅凱悅酒店.

點解會嚟,因為執屋企嘅時間,睇番之前儲起嘅飲食雜誌.裡面講起有間酒店d點心水準好高.咁我咪過嚟試下啦.民以食為天嗎..........................

呢度推介澳門獨有蝦餃,咁我真係要試下啦...........蝦餃皮簿,連餡裡面蝦肉到睇見.食落蝦夠彈牙有鮮味,仲有d蝦子.我從來未食過有蝦子嘅蝦餃,真係好好食..........正

我原本想食另一推介义燒腸粉,可錯閒日係無得食.要星期六,日才有得吃.咁唯有叫番基本嘢"燒賣".呢款無蝦餃咁突出,但味道都唔錯.

呢款又係推介"川滬牛肉煎餅",賣相唔錯,我忍唔住,要咬淡.熱辣辣好燙口.但咬落去肉汁唔算多,味道都算ok..................沒有雜誌講得咁高水準,點心算唔錯.

飲完茶,肚未夠飽.緊係要食番d嘢頂肚啦.鬼叫我大食咩................

我未去熊貓館之前,要醫肚先.............剛啱巴士站,就係舊葡京對面.我第一時間就諗起"呀蘇"介紹附近有間食炸魚片麵.所以就行去試下..................炸魚片咬落似食蝦片,味道算唔錯,但你又可以浸湯嚟食,感覺又唔同.可以一試.

話咁快又睇完熊貓啦.又係到食嘢嘅時候.

由巴士站行去新馬路附近揾嘢食,行到呢度見到保記.我記得d旅遊書都有介紹過.而我又鐘意食咖哩同牛腩.咁咪入去又試下...............睇見好似唔錯,但食落就一般.咖喱原全唔啱.只得辣字.沒有咖哩味.唔啱我口味

食完一般嘅咖喱牛腩麵,又四周圍遊,行到呢度又見到旅遊書有介紹過嘅何漢記.

睇見佢不停咁整,嘢食一定有保証啦呱.

呢度係街邊,所以位坐不多.但都坐滿晒.

橫樹剛食得唔好,又嚟試下.叫番過椰汁咖喱雞麵.睇落..................但食落又是一般過一般,湯底一d都唔掂,無厘特別,椰汁唔濃,咖哩味無乜,水汪汪...........我現在知道全是線稿.以後睇旅遊書d介紹都要諗過先去試.寧願睇多d網友食評先去試啦....