新年前澳門食~~(part~1)

2011年2月27日

我有段時間無去澳門,趁工程完成.就過澳門鬆一鬆同食嘢................當我行出外面果陣,真比d彩旗嚇嚫.我以為去咗台灣,雖然我無過嚟一排,就轉變成咁.遲d真係唔知變成點呢?但都唔關我事,最緊要呢度d嘢食,唔好加價,就得啦..................

果日天氣又凍,係碼頭等賭場巴士,等都好鬼肚餓.好彩等多一陣,十六蒲巴士又到.

我今次專程去十月初五街,揾牛記咖哩美食.因為係睇到網友(小t)介紹,佢話呢度嘅"蟹皇撈麵"好好食.咁我咪嚟試一下啦..........食落好有蟹味,味道又唔錯又好食........不過蟹皇太少,如果多d,就very good啦....................哈哈哈

我食完蟹皇撈麵,緊係唔飽啦...........好彩,十月初五街有好多嘢食.

我行出嚟無幾遠,就見到出晒名好食嘅"權記豬骨粥"..........在之前係電視睇過,都好想嚟試.但每次都無時間.今次咁啱有時間一定要試下.

剛啱天氣咁凍,食碗豬骨粥暖下胃,就最一流...................呢度無堂食,只有外賣.如果想即食,同我一樣企係街慢慢食啦................食落果然好有豬骨味,真係唔錯.價錢又唔貴...正

食完好味嘅粥,再望過隔離糖水檔,睇見d糖水唔錯............為食嘅我,緊係食完先講.

呢檔有放枱,唔使企係街食.可以坐係都慢慢食.............芝麻糊夠滑又夠香,好味又好食.今晚我覺得好滿足,食都咁多美食,真係人生一樂也.......................