曼谷+芭提雅(Day 3~ Part 1)

2013年8月8日

7月21日星期一~~~~今早食埋早餐,就要執好行李,搭12點book車落曼谷啦.
嚟得芭提雅2日半,真係唔夠時間四周圍睇,連酒店有咩嘢都唔知道.
所以當今早食早餐時,就四周圍望下酒店d相.發覺呢度有學煮泰菜班.
而且學費又唔係太貴,1人要1490泰幣,2人都係2890泰幣...................

今早先食魚蛋湯米,靚仔眼定定比我影番幅相

魚蛋湯米落埋辣椒粉好好味又巧食

外面另一邊都有早餐食,不過冇泠氣,應該係比游泳客人用

食完米粉,整番碟雙蛋,單腸,煙肉

再食健康粟米片加鮮奶

然後再嚟少少麵加少少菜

之後又嚟多碗米粉,可惜米粉冇晒,但有河粉,咁仲好食

最後再嚟多件簡單麵包加蛋食完.返房執行李.

呢間酒店d房都ok.住得舒服.

夠鐘要落大堂等車.............一等半個鐘,原來司機去錯另一間同名酒店......................
再等多一陣,C家車到啦.............出發到曼谷...........去到轉出高速公路時,見到呢個警察站崗亭......

C家車行咗個半鐘,差不多都曼谷果陣,突然落大雨..........................

好彩到咗曼谷又冇落雨,仲好好天.

到咗酒店,即刻攞房............不過,只得一間,另一間仲執緊,唔緊要啦...........放行李去另一間先.
呢間酒店d房都唔錯,最啱情呂一齊嚟住,點解.............因為右手邊床,隔離就係"玻璃浴室"連廁所呀.......



洒店唔算大,所以連吃早餐地方都細細,不過,就交通方便.............因為洒店出面,就係BTS站啦.............
所以放好行李,就搭BTS去"唐人街"食嘢同買手信......................