皇冠假日酒店(銅鑼灣)

2013年3月24日

今個月食自助餐冇停過,如果計埋17號星期日,已經第三個,但我仲有一個在月尾28號"跑會會慶"自助餐
未食呀~~~~~還有一個26號田總聚餐添~~~~~肥死啦...............
最近沉迷Candy Crush,所以lazy寫blog........今日一定要寫番上星期日晚和小學同學食自助餐聚會,
我哋已經有十二,三年無見啦~~~事源是我,在兩年之前,在街遇上小學同學.大家傾開想見下d同學仔.
我就講,不如我試下運氣,睇下揾唔揾到他們啦~~~~~經過兩年時間尋找,終於被我在街遇上他們啦.
今次有七位同學仔出席.希望下次聚會有多d出席啦...........



好彩現時手機先進,我們在whatsapp聯絡之下~終於決定在3月17號星期日,係(銅鑼灣)皇冠假日酒店.
食自助餐.~~~~~~~~~~當日酒店安排我哋坐房.而環境唔錯,啱我們聚會.

佢哋雞啄唔斷,我就肚餓,所以出去睇環境~~~~呢度地方唔算好太,坐位唔係太多.所以一去電梯就
會見放生蠔同燒牛肉位置............睇見燒牛肉隔離有件燒得幾靚嘅腩肉.等一陣要試下先.



生蠔係即叫即開,不過,人多就開唔切啦~~~~~~~生蠔位直睇,就係放熱食.

熱食對面,就係甜品區~~~~佢隔離就係生果區

生果區行過少少,就係放西班牙火腿.



睇完晒,開餐~~~~~~本應攞我至愛生蠔先,但要排隊,所以攞住長脚蟹,翡翠螺,龍蝦同麵包蟹.
海鮮係配給比你,唔比自已攞喎~~~~~

食完海鮮,又想攞生蠔,但又排晒隊~~~~~~~咁吃住魚生先啦

終於冇咁多人攞生蠔啦~~~~~~~厨師問我要幾多隻,我為免要排隊,要八隻唔該..........但佢比得七隻.
咁你問我要幾隻仲乜呀!!!算吧~~~~~食生蠔,今晚起碼食二打啦...............不過,食第一隻咸咗d,再食多
隻都係好鬼咸~~~~~~~我從來未食過咁咸嘅生蠔,有海水味都唔係咸成咁呀失望..

食完咁咸嘅生蠔~~~~~~食番應該唔會咁咸嘅西班牙火腿先................味道唔錯ok

燒牛肉燒得唔錯,而燒腩肉,燒得皮脆有肉汁............兩款都好食

羊架有蘇味,l like

甜品都ok

呢碟鮑魚係人都有,飽魚整得幾好食又淋爽口.

食番d沙律菜清清腸胃

凍蕃茄湯,飲落怪怪地,味道都可以.

再嚟魚生

生果都甜好食

雪糕有二款,我兩款都食晒~~~~~~~~~~~~

食埋雪糕,再飲番杯凍O茶~~~~~~~~今晚唔係食得太多嘢,可能食自助餐
太多了同埋生蠔太咸關係.我都係留番"跑會會慶"自助餐啦.