仕德福酒店(德福閣)自助餐

2012年11月28日

星期三同朋友食自助餐~~~~~~原本無諗住自助餐呀.果日同朋友傾開計,講開食嘢.佢又有係鐘意食.
咁講講下,佢話有張免費自助餐卷.而且是買一送一,同埋再收多一個加一錢.總數係$320蚊.
兩個人平分,都係$160蚊.所以都幾抵食呀.

我前晚已經上綱check過,d人話呢間d嘢食都ok.~~~~~~~我哋一出lift門,就可見到甜品區在眼前啦

其實,呢度地方唔大,一眼己經睇晒.



睇下放嘢食嘅長長大枱,兩邊放晒d美食.正唔正







我就坐係長枱後面少少~~~~~~而斜對面就有燒牛肉同片皮鴨吃,所以非常方便攞嘢食

睇完一輪,開始食嘢,因為我下午只食咗一碗粥,所以非常肚餓呀~~~~~~~~第一時間去攞生豪先.
食落有幾ok喎.雖然係細隻d.味道都唔錯

呢度仲有法國田螺食同焗豪仔及焗薯蓉豪仔,味道ok.

每枱都會送上嘅蝦,蝦冇乜特別,但係個醬汁,整得好味.酸酸地.

燒牛肉都ok,但醬汁就麻麻哋啦.

馬來西亞串燒雞肉,加埋沙爹汁.味道唔錯,好味又好食

食完串燒再試冬蔭公青口.d湯夠微微辣好味.而青口都ok好食

再嚟生豪~~~~三文魚夠肥美好食.正

食到飽飽地,轉下食甜品先.~~~~~~~~好靚嘅籃啫喱

芝士cake

馬卡龍

睇完就晒,攞d甜品試下~~~~~~芝士cake幾好食.馬卡龍未食過,所以唔知咩味道.但食落鬆脆,甜度ok.
不過,朋友話脆咗少少.

焦糖燉蛋好食

食完甜品,攞d青豆湯試下,味道夠濃.ok

長脚蟹就唔好食,淡茂茂.

又再吃生豪,食埋呢輪,我已經破咗自已記錄.~~~~~我食咗22隻生豪

呢度雖然細,但嘢食唔多,但轉款式美食夠快~~~~~好似咖哩魚柳,味道唔錯,好食

火焰雪糕,我第一次見.~~~~~~~~其實d雪糕冇乜特別,只係搞下花巧.

光波爐整蔬芙里,唔知好唔好食呢????

在等緊果時,食件波蘿消化先

仲有3分鐘~~~~~~~又再等.

夠鐘啦,但係整得太硬,唔夠鬆.~~~~~我食咗少少,己經冇再食.總括來講,呢度d嘢食唔錯.下次會再來食過.