曼谷+芭提雅(Day 3~ Part 2)

2013年8月8日

出發去"唐人街"..........搭BTS轉MRT才可以去"唐人街".我之前嚟都係同朋友
搭的士.但現在可以搭BTS同MRT,咁就方便啦........唔使比的士佬呃.

轉下眼就到咗要轉車MRT站...............落到去果陣時,見到得意卡通車

售票機都幾易明..........不過,要成日換銀仔呢...............MRT窗口有換錢,但又唔可以買埋車飛??不明

地鐵D指引真係麻麻地...............點解唔寫明去"唐人街China Town"呀...........唔使我成日問人

跟住1號綫就揾到出口啦

終於上到地面啦.....行少少見到對面係火車站.........不過唔係果邊,要再向前行..........

行到轉彎,又見到對面"HONDA".........咁就行過條橋仔再向前行

如果怕入黑揾唔到MRT站的話,認住呢間"張松山大厦".就找都方向啦

行咗5分鐘,終於找到CHINA TOWN啦

去都"唐人街"第一時間去"林真香"總店,買手信~~~~~~~~一買就成蘿,要成2200泰幣.......好彩,呢度
有送貨到洒店服務.我就兩手空空去行街吃嘢啦

買完嘢出嚟,行咗無幾遠,見到呢間好似出名食豬紅湯嘅食店.......咁就去試下啦



豬紅湯到啦...........原來唔只有豬紅,仲有燒肉及豬雜..........豬紅好嫩滑好食,湯好飲...........

佢哋唔只買豬紅,還有其它嘢買............

食完豬紅湯,見到對面牆掛咗個牌,仲寫住60年歷史"豬肉松店",咁就行入去睇睇.....

我買咗2包大,2包細.試下好唔好食...........

呢包豬肉絲,我幾鐘意食.............味道有少少干葱味,幾好食.只買55泰幣



買完又行街街,見到成車榴槤好想食,不過,老闆娘唔係度,冇得食算吧

又行到呢檔,見到魷魚串燒,都想食.............但係咁鬼熱食串燒...........咪搞我.

唔食串燒,再行到呢度,又見到有雪條雪糕買.咁鬼熱食番條消下暑先............

榴槤雪條雪糕,好有榴槤味,巧巧食,又唔貴35泰幣.........

記住呢間...........又係另一間"林真香"隔離



泰國現在好流行飲"紅番石榴汁".所以我都買咗支嚟飲,味道唔錯,又唔貴40泰幣1支

生果檔D生果放得幾正齊

好正煙熏鴨....

行到街市,見到海鮮食檔..............

生食蟹,睇下幾多膏................妳夠膽食嗎?我就唔勇食啦...........天氣咁熱,仲周街放.........我肯定食完
痾餐飽............你唔食,有人食.............我食完嘢,行番轉頭,已經全部買晒啦,仲放埋檔添..........

行到街市頭,有檔買海南雞............一於試下先

呢檔"海南雞飯"好食過香港果D出名餐廳,價錢又平,又抵食40泰幣..............



食完行多陣,差不多6點,跟住行番MRT站............行到食翅舖頭,見D翅好似唔錯.問下幾錢,佢講300泰幣
一窩都OK..............一於食豪D.

杯綠冰水是送呀~~~~~~魚翅都幾大,都有兩至三碗..........食落都夠料,味道唔錯好食.

食完翅,再來多碗"血燕",講明食豪D嗎...............200泰幣一碗,抵食

睇下D血燕窩,假如冇呃我的話.........加埋隻蛋一齊,真係巧巧食,食完都覺得皮膚滑咗又靚咗呀

食完好嘢.......行去MRT時,見到成街坐滿食客,非常熱鬧,同我嚟果時差天共地.......可能我哋太早嚟啦

細細條炸油條,好似Q版,港式油炸鬼.................

鬼佬賣泰式粉同沙律,似模似樣架,唔知味道如何?如果下次再見到他,一定要試下.