香格里拉(自助餐)尖東

2012年11月11日

星期日係山頂做adidas內部賽事.佢哋環住跑道跑兩個圈,大約7km都.果日朝早7點係山頂又大風
又凍,我又病病地,差點又被吹到再加病~~~~~~~好彩,果曰人數少,9點半做完晒.跟住約齊人去飲茶.
飲茶吃咗好多點心,飽飽肚返家睡午覺.

我返到屋企一點鐘,跟住冲凉,然後睡到三點半被電話聲噪醒.~~~~~原來是我哥哥打嚟,叫我去吃
自助餐.我話咪阻住你哋二人世界.因為星期日係我呀嫂生日.但哥哥話買一送一.所以叫埋我同另一
位哥哥一齊去吃"自助餐"~~~~~~~~~我緊係話去啦.好耐無食"自助餐"

香格里拉大堂幾靚喎~~~~~~~~食"自助餐"要上多一層.餐廳門口,可見到酒店嘅餅店蛋糕.

餅店後面,就係"自助餐"放甜品地區.等我四周圍睇下有咩嘢食先~~~~~~~~~



甜品區有多款選擇~~~~~~~~呢款三角大菜糕,外形比較特別.



芒果布甸~~~~~~正呀



朱古力噴泉,我永遠唔會食,感覺不衛生呀.因為人來人往,如果有人打乞嗤,咁就......................中招啦.



有豆腐花吃~~~~~~~正



仲有哈肯x雪糕添







師父表演雪糕,一陣嚟試下.



我坐的位置後面,就係沙律區







仲有火腿片吃



再行過少少,就係海鮮同魚生區,睇下"大大隻龍蝦",等陣食番一兩隻先



魚生區後面,就係"燒牛肉"同有"軟芝士".



軟芝士l like eat~~~~~~~~~~yummy







呢邊係"即叫即整意粉區"







印度咖喱區







呢度係"熱吃同煮麵"區



巡完場,開始吃嘢啦~~~~~~~~~先嚟一隻"大龍蝦"~~~啖啖肉,仲有少少膏.唔錯

燒牛肉半生半熟,我鐘意.牛肉味道唔錯,醬汁又好味.

再嚟多一隻龍蝦同翡翠螺及瀨尿蝦仔~~~~~~~好食好食

吃完海鮮同牛肉,休息一下.飲下"龍蝦湯"~~~~~味道濃,有少少龍蝦味.都唔錯.

下午飲茶,已經食飽飽.~~~~~~現在感覺飽飽地添..................吃住甜品先,甜品味道ok.

經過休息一陣同消化咗少少,又開始吃嘢啦~~~~~~~魚生新鮮好吃.不過,我冇咗添食.因為仲有其它
嘢未試食嗎!

火腿片夾埋木瓜食,味道唔錯,好味好食................而火腿片就咁食都好好食.

軟芝士放落硬麵包片上,切開嚟食.芝士味又濃,又好食~~~~~~~~我鐘意

食咗咁多嘢,係時候食番d蔬菜清下腸胃啦

我呀嫂話呢度d喇沙,係正宗馬來西亞厨師整,所以味道正宗~~~~~~~~所以我要試下,先試湯........
嘩.........味道真唔錯好味,湯夠濃,仲帶少少辣~~正.同上次在"六國飯店"吃果碗,淡而無味.差好遠呀.

吃完辣辣地嘢,食番碗"炒雪糕"先~~~~~~哈肯x雪糕好味好食.

雪糕吃完,再整多碟火腿片同煙三文魚~~~~~火腿片好食唔多講,原來連煙三文魚都咁好食...正

又再吃甜品加二個哈肯X雪糕球~~~~~好食好食好滿足

豆腐花加薑汁糖水,好味又夠滑.

再~~~~再嚟三個甜品~~~~~~~~~~~~~滿足滿足

最後吃下菠蘿,消化先~~~~~~~~下面舊餅,食落好鬼酸,因為餅上面件桃呀.
整個自助餐d食嘢,味道唔錯~~~~~~~可惜,是我下午食得太多點心,消化唔切.下次一定食過夠飽啦
希望下次嚟有"生蠔"食啦~~~~~~冇生蠔食,仲係欠少少嘢呀~~~~~