新年前澳門食~~(part~2)

2011年2月27日

琴晚食咗咁多美食,真係回美無窮.今早我又繼續去揾嘢食.記得上次我同朋友諗住walk in入去"永利軒"飲早茶.點知無訂位同無穿長褲,係唔可以入出.所以我今次一早訂好位啦.

呢度裝修得好鬼死靚又華麗,澳門人真識落本.

我企係門口已見到佢哋,最巨代表性嘅"水晶龍".真係好吸引.

佢哋有個點心套餐,可以在餐牌24款中,自選六款午市點心.定價MOP148再加１,如果餐牌裡面d點心,唔啱食.就可以係另一份餐牌上選,不過就要計返餐牌上嘅價錢啦.

我一個人山長水遠嚟,緊係唔會食一,兩款點心就走,一定試多幾個啦.所以我選擇套餐..........青芥帶子海鮮餃~~睇下皮幾薄,成隻帶子都見哂,咬落帶子夠彈牙,再配埋d青芥醬又刺鼻又好食,

鬼馬牛肉腸粉~~~睇落好普通,但係夠創意.腸粉包住d油炸鬼同牛肉,食落有炸両同牛肉,這種感覺都幾得意.

川味紅油炒手~~~細細笠,一咬一件.啱啱好.而辣味適中,不過又無乜特別.

蟹皇蒸燒賣~~~大大笠,味道唔錯.

琥珀合桃燒雞酥~~~味道ok,唔係太特別.

鵝肝咸水角~~~鵝肝唔算多,但味道都ok

我一個人食咗咁多點心,真係好飽.................要飲番杯茶消化下先.佢哋d普洱茶.飲落感覺好滑又好飲...........正

食完嘢,要行下街消化下啦..............行行下,又行都禮記門口.我無理由唔入去幫嚫下.佢哋自製嘅三文治雪糕係香港無得食.所以點都叫番件嚟食下.

又食完雪糕,再要行下街消化下.其實我今夜仲要去MGM食自助餐.所以要留肚.不過我仲可以食少少嘢..............哈哈哈

由禮記慢慢行去"三盞燈".點解.因為係睇到網友介紹"發嫂養生磨房".睇見佢哋現場即磨芝麻糊同生花糊.雖然唔係人手磨,但起碼係新鮮啦.

芝麻糊MOP9蚊(小),食落去好滑又好食,不過唔夠芝麻香味.原來佢哋無炒過芝麻.

我食完芝麻糊,好想試下其它,但又唔想食咁多.所以我叫老闆娘買少少杏仁糊比我試下,杏仁糊原來好食過芝麻糊.下次嚟要食杏仁糊.

要揾"發嫂"其實話難又得話易又得.現在簡單講下,嚟到三盞燈見到"馮記"直行到尾.

雖然過馬路,再見到厚記燒臘,轉左手邊.

再直行無幾遠就見到啦~~(義字街41號義與大厦C座地下).

又再食完糖水,個肚真係飽飽地,好彩現在距離食自助餐.還有三粒鐘.可以四周圍街下消化下,再食過.

時間過得快,又到食嘢嘅時候啦.MGM我食過一次.所以唔影,專心食嘢啦.